Algemene Inligting

Wie is ons?

Ons is ‘n voorstedelike gemeente, bestaande uit sowat 2800 lidmate. Omgee vir mekaar en vir ander mense is vir ons belangrik en ons strewe daarna om binne die gemeente en eredienste sodanige atmosfeer te skep.

Visie

Wees ligdraers van God!

Missie

Nelspruit-Suid wil by uitstek ’n lewende gemeente wees wat die wonderbare Lig weerspieël en in die naam van Jesus Christus, gedring deur die Heilige Gees, die Alomteenwoordige God verheerlik.

Kultuur in die gemeente

Ons is voortdurend besig om die volgende kultuur in die gemeente te kweek:

Koninkryk – Dit gaan nie net oor die gemeente nie, maar lidmate moet ten alle tye ‘n Koninkryksvisie hê. Dit beteken dat ons leef na buite dat waar ons gaan, moet ons ‘n verskil maak.

Ligdraers – Ons is Ligdraers en binne die gemeente word elkeen toegerus sodat hulle in die wêreld Ligdraers vir God kan wees.

Omgee – Dis vir ons belangrik om om te gee vir mekaar. Hierdeur word ons ook Jesus se hande en voete en leef ons die Evangelie prakties uit.

Gasvry – Dit is waar dat mense sê: “First belong, the believe”. Met die beginsel wil ons in so mate gasvry wees, dat elkeen wat die gemeente besoek, gasvryheid ervaar. Ons vertrou dat die gasvryheid ‘n verskil in hulle geloofslewe sal maak

Eredienste

08:30 – Erediens in die Kerkgebou

Jeug (Junior en Senior) – 08:30 – Kom eers in Kerkgebou byeen en word later tydens die diens uitgestuur na hulle onderskeie bedieningspunte.

Kleuters (3-5jaar) – Gaan dadelik na die Lapa toe en kom nie in die kerk bymekaar nie   

Junior Jeug (Gr 1-6) – 08:30-10:00 in Kerksaal

Senior Jeug (Gr 7-11) – 08:30-10:15 in Koinonia Sentrum

Kontakbesonderhede

Inligting is onder die menu-skakel “Kontak ons”

Leraars en Personeel

Inligting is onder die menu-skakel “Kontak ons”

Fisiese Adres

Inligting is onder die menu-skakel “Kontak ons”

Bankbesonderhede

ABSA Bank Rekeningnaam:
NG Kerk Nelspruit-Suid
Rek nr: 1070 580 051
Takkode: 334 252