Dankoffer bydraes

Geen gemeente kan funksioneer sonder fondse nie – dit is ‘n gegewe.  Afgesien van vergoeding van personeel, instandhouding van die perseel en geboue, reik ons gemeente ook uit na waar die nood groot is. Om dit te kan doen, is ons aangewese op gemeentelede wat deur middel van dankoffers ‘n gereelde bydrae kan maak.

Daar is verskeie wyses waarop u as lidmaat op ‘n maandelikse basis u dankoffer kan gee.

  1. U kan ‘n “maandelikse koevert” by die kerk neem en dit daarin plaas. Die koeverte is by elke deur op die blaaie beskikbaar. Plaas u bydrae in die koevert en gooi dit in die kollekte sakkie op ‘n Sondag.
  2. U kan ‘n “EFT” (Elektroniese oorbetaling) doen direk in die kerk se bankrekening. Die rekeningbesonderhede is as volg: ABSA Bank, NG Kerk Nelspruit-Suid, Rek nr: 1070 580 051, Takkode: 334 252
  3. U kan deur middel van ‘n debietorder ‘n bydrae maak. Kontak die kerkkantoor (0137441925) indien u die opsie wil volg.
  4. U kan ‘n betaling deur middel van Zapper doen. Besonderhede volg hier onder.

Wat is Zapper en hoe werk dit?

Zapper is ‘n toepassing vir jou slimfoon wat jou instaatstel om betalings te maak deur dood eenvoudig ‘n sogenaamde QR kode met jou selfoon te skandeer.

Waaroor gaan Zapper?

Maklike betalings – so eenvoudig as dit.

Die toepassing kan op jou slimfoon afgelaai en geïnstalleer word om op ‘n maklike en gerieflike wyse betalings te maak, in hierdie geval dan ook dankoffer bydraes vir ons gemeente.

Hoe om Zapper op jou slimfoon te installeer.

Android slimfone: Gaan na Google Play en soek vir Zapper. Druk die Install knoppie en siedaar!

Klik op die prentjie hieronder om volledige instruksies af te laai.

IPhone slimfone: Gaan na Apple Store en soek vir Zapper. Druk dan die Install knoppie en siedaar!

Klik op die prentjie hieronder om volledige instruksies af te laai.

 

Hoe om deur middel van Zapper dankoffer-betalings te maak

Stap 1: Skandeer die volgende QR-kode met jou Zapper toepassing op jou slimfoon

Stap 2: Kies dan hoeveel jy wil bydra.  Daar is ook die opsie om u dankoffer vir ‘n tydperk van 12 maande te gee.

 

Volg ons op Facebook

Argief…